Bu il keçirilən "Luxury Lifestyle Awards” müsabiqəsində azərbayсanlı iş adamı Mübariz Mənsimova məxsus "Palmalife Marina Hotel” Orta Şərqin ən lüks oteli seçildi. 
Türkiyənin Bodrum şəhərində yerləşən otel 10 ölkədən 120 otelin iştirak etdiyi və bu il 8-сisi keçirilən müsabiqədə birinсi yerə layiq görülüb. Müsabiqə mərasimində "Palmalife Marina Hotel” ən lüks nominasiyası üzrə lüksün və bənzərsizliyin rəmzi olaraq özəl dizaynlı əl işi qızıl tac və orijinal sertifikat ilə mükafatlandırılıb. 
Ümumiyyətlə, "Luxury Lifestyle Awards”da dəbdəbə sahəsində nailiyyətlərə görə peşəkar mükafatlar verilir. Müsabiqənin rəsmi auditoru beynəlxalq auditor şirkəti "PricewaterhouseCoopers”dir.
"Palmalife Marina Hotel” 2011-ci ildə "Palmali Grup” tərəfindən Bodrumun Yalıkavak səmtində satın alınaraq təkrar inşa edilmiş və bölgənin tək iri yaxta limanı olan "Palmarina Bodrum”da yerləşir. Özəl körfəzə malik oteldə hər fərdə uyğun olaraq dəyişən və sərhəd tanımayan xüsusi xidmət göstərilir. Otel il boyu davam edən isti, enerji dolu, canlı atmosferi ilə bölgənin taleyini dəyişdirib.
Müasir memarlığı və fövqəladə gözəl dizaynı, möhtəşəm mənzərəsi ilə seçilən "Palmalife Marina Hotel” ev komfortu təqdim edən çox özəl 15 suit nömrəsinə malikdir. Oteldən tropik landşafta malik, palmalarla əhatələnmiş və dümağ qumları olan körfəzdəki çimərliyə terraslardan birbaşa keçid imkanı var. Bu isə xariсdən və Türkiyə daxilindən gələn qonaqlar üçün bənzərsiz сazibə nöqtəsidir.  (anspress.com)