"Hüquqlarını müdafiə etdiyim məhkum Mehdiyev Rəhim Süleyman oğlu və Bədirov Qismət Ağakərim oğlu Cəlilabad Hərbi Məhkəməsinin hökmü ilə Azərbaycan Respublikası Cinayət Məcəlləsinin 178.3.2-ci maddəsi ilə təqsirli bilinərək 5 il müddətində azadlıqdan məhrumetə cəzasına məhkum edilmişdirlər. Məhkəmə baxışında təqsirləndirilən şəxslər özlərini verilmiş ittihamla təqsirli bilməsələr də Cəlilabad Hərbi məhkəməsi onların hər birinin 5 il müddətində azadlıqdan məhrum olunması barədə hökm qəbul etmişdi”.
Bunu Xeberle.com-a Sumqayıt Regional Vəkil Bürosunun vəkili Elşad İsayev bildirib. O qeyd edib ki, birinci instansiya Məhkəməsi müdafiə tərəfin qanuni və əsaslı vəsatətlərinin heç birini təmin etməməmiş, eyni zamanda məhkəmə təqsirləndirilən şəxslərin məhkəmə istintaqı zamanı verdiyi ifadələrinə tənqidi yanaşaraq onların cinayət işinin materiallarına uyğun olmayan, özlərini müdafiə məqsədi ilə uydurulmuş, qeyri-səmimi və işin faktiki halları ilə təkzib edilən ifadə kimi qiymətləndirsə də, bu gün Şirvan Apelyasiya Məhkəməsində müdafiə tərəfi olaraq bizim verdiyimiz Apelyasiya şikayət təmin olunaraq birinci instansiya Məhkəməsinin qanunsuz və əsassız ittiham hökmü ləğv olundu və təqsirləndirilən şəxslərin hər biri barəsində bəraət hökmü çıxarılıb.
Xəbərdən istifadə edərkən istinad etmək vacibdir.
