Dünyanın ən təhlükəsiz ölkələrinin siyahısı açıqlanıb.
Xeberle.com məlumat verir ki, "Global Peace Index 2025" reytinqi İqtisadiyyat və Sülh İnstitutu (Institute for Economics & Peace – IEP) tərəfindən hazırlanıb. Cari ildə indeks 163 ölkə və ərazini əhatə edir ki, bu da dünya əhalisinin 99,7 faizini təşkil edir.
Reytinq 23 göstərici əsasında formalaşdırılıb və bu göstəricilər üç əsas kateqoriyada birləşdirilib:
• ictimai təhlükəsizlik və müdafiə səviyyəsi;
• daxili və beynəlxalq münaqişələrin mövcudluğu;
• hərbiləşmə dərəcəsi.
Reytinqin lideri artıq 17-ci il ardıcıl olaraq İslandiya olub. İlk beşliyə daxil olan digər ölkələr isə bunlardır:
• İrlandiya;
• Yeni Zelandiya;
• Avstriya;
• İsveçrə.
Hesabat müəllifləri bu ölkələrdə cəmiyyətdə yüksək etimad səviyyəsinin və zorakılıq hallarının az olmasının əsas amillərdən biri olduğunu vurğulayıblar.
Reytinqin ən son sıralarında qərarlaşan, yəni ilk beş autsayder ölkə isə aşağıdakılardır:
• Rusiya;
• Ukrayna;
• Sudan;
• Konqo Demokratik Respublikası;
• Yəmən.
Xəbərdən istifadə edərkən istinad etmək vacibdir.
