Sumqayıt şəhər İcra Hakimiyyətinin başçısı Zakir Fərəcov 1 İyun
Uşaqların Beynəlxalq Müdafiəsi Günü münasibətilə uşaqları təbrik edib.
Bu məqsədlə şəhər rəhbəri 67 saylı körpələr evi uşaq bağçasında olub.
Sumqayıt şəhər İcra Hakimiyyətinin başçısı Zakir Fərəcov uşaqlara
xoşbəxtlik və səadət, firəvan həyat, uzun ömür, can sağlığı arzulayıb.
Uşaqlar maraqlı proqramla çıxış ediblər. Balaca fidanlarının ifasında
bir – birindən maraqlı , rəngarəng musiqi nömrələri, vətənpərvərlik
mövzusunda hazırlanmış ədəbi kompozisiya və rəqslər təqdim olunub.
Qeyd olunub ki, Sumqayıt şəhərində son illər uşaqların hüquqlarının
qorunnması , onların sağlam böyümələri və mükəmməl təhsil almaları üçün
hər cür şərait yaradılıb. Son illərdə digər sahələrdə olduğu kimi
məktəbəqədər təlim-tərbiyə müəssisələrinin maddi-texniki bazasının
möhkəmləndirilməsi də diqqət mərkəzində olub. Şəhərdə fəaliyyət göstərən
körpələr evi uşaq bağçalarında avadanlıq və inventarlarla təchizat
yaxşılaşdırılıb, istilik sistemi tam bərpa olunub, bütün uşaq bağçaları
isti su ilə təchiz edilib, ərzaq təminatı ciddi nəzarətə götürülüb.
Uşaqların təlim-tərbiyəsinə xüsusi fikir verilir.
Uşaqlara hədiyyələr təqdim edilib.
Xəbərdən istifadə edərkən istinad etmək vacibdir.
