Sumqayıt şəhər Mədəniyyət və Turizm idarəsi şəhər Bələdiyyəsi ilə yeni layihəyə start verib. Sumqayıt turu ilə başlayan bu layihənin həyata keçirilməsində əsas məqsəd dövlət təşkilatları arasında sıx əməkdaşlıq yaratmaq, birgə fəaliyyətə nail olmaqdır.
Layihə çərçivəsində Sumqayıt şəhər Bələdiyyəsinin müraciəti, şəhər Mədəniyyət və Turizm idarəsinin təşkilatçılığı ilə şəhər daxili tur təşkil olunub. Şəhərin girişindən başlayan tur Bayraq meydanınadək davam edib. Gəzinti zamanı tur iştirakçıları şəhərimizdə aparılan abadlıq və quruculuq işləri ilə yaxından tanış olublar. Ludviqshafen parkı, yeni inşa edilən Heydər Əliyev Mərkəzi, Şahmat məktəbi, Uşaq incəsənət məktəbi, H.Ərəblinski adına Sumqayıt Dövlət Dram Teatrı, Bayraq meydanı haqqında tur iştirakçılarına ətraflı məlumat verilib.
Yeni salınan bulvarda aparılan işlər daha böyük maraq doğurub.