Sumqayıt şəhəri, 13-cü mikrorayonda baş verən partlayışdan bir il ötür.
Partlayış nəticəsində 6 nəfər dağıntılar altında qalmışdı. Dağıntılar altından çıxarılan bir nəfər isə vəfat etmişdi.
100-ə yaxın sakin hadisədən sonra ərazidən təxliyə edilib və kirayə mənzillərə yerləşdirilmişdi.
Hazırda sözügedən binanın sakinləri mənzillərinə köçürülüblər.
Sumqayıt Şəhər İcra Hakimiyyətindən verilən məlumata görə, binanın bir girişində qalan sakinlərə maddi yardımlar edilib:
"Sumqayıt şəhərinin 13-cü mikrorayon ərazisində yerləşən çoxmənzilli yaşayış binasında baş vermiş partlayış nəticəsində binanın bir girişi yararsız hala düşmüşdü. Hadisədən dərhal sonra aidiyyəti dövlət qurumları tərəfindən əraziyə baxış keçirilib, təhlükəsizlik tədbirləri görülüb və müvafiq operativ qərarlar qəbul edilib. Təhlükəsizlik məqsədilə binanın ümumilikdə üç girişində yaşayan sakinlər müvəqqəti olaraq kirayə mənzillərlə təmin ediliblər. Aparılan qiymətləndirmə və texniki müayinələrdən sonra partlayışın baş verdiyi girişin istismarı mümkün olmadığından həmin giriş sökülüb. Partlayış baş verən girişdə yaşayan ailələrə maddi yardım göstərilib. Digər iki giriş üzrə müvəqqəti olaraq kirayə mənzillərə köçürülmüş sakinlərin evlərinə qayıtması üçün şərait yaradılıb və onlar artıq öz mənzillərinə köçürülüblər", - deyə məlumatda qeyd olunub.
Xəbərdən istifadə edərkən istinad etmək vacibdir.
