Bu mövzuya həsr olunmuş tədbirdə qadın və kişilərin bərabər hüquq və imkanlara malik olmasının əhəmiyyəti, qarşılıqlı hörmətin və anlayışın cəmiyyətimizdə yaratdığı müsbət təsirlər ətrafında fikir mübadiləsi aparıldı.

Tədbirdə ixtisas fənn müəllimi Samirə Şaqavatova çıxışı zamanı qeyd etdi ki, gender bərabərliyi yalnız qanunlarla deyil, düşüncə tərzi və davranışlarla formalaşır. O, ailədə, təhsil mühitində və iş həyatında bərabərliyin qorunmasının gələcək nəsillərin sağlam psixoloji və sosial inkişafına birbaşa təsir etdiyini bildirdi. Samirə Şaqavatova xüsusilə gənclərin bu dəyərlər əsasında yetişdirilməsinin cəmiyyət üçün uzunmüddətli və müsbət nəticələr verəcəyini diqqətə çatdırdı.

Eyni zamanda Tərbiyə işləri üzrə direktor müavini Lalə Əhmədova çıxış edərək gender bərabərliyinin təhsil müəssisələrində təbliğinin vacibliyini vurğuladı, bu istiqamətdə aparılan maarifləndirmə işlərinin gənclərin dünyagörüşünün formalaşmasında əhəmiyyətli rol oynadığını qeyd etdi.

Bu cür tədbirlər bərabər imkanlara əsaslanan, sağlam düşüncəli və güclü cəmiyyətin formalaşmasına töhfə verir.