Bu gün Sumqayıt  Dövlət Rəsm Qalereyasında həvəskar rəssam Sara Fətullayevanını "Rənglərin dili ilə” adlı fərdi sərgisi keçirilib.
Sərgidə 20-dək rəsm işləri nümayiş olunub. Sərgini keçirməkdə əsas məqsəd gənc nəslin incəsənətə olan marağını artırmaq və Azərbaycanda yetişməkdə olan gənc rəssamları tanıtdırmaqdır.
Sərgi ilə tanışlıqdan sonra çıxış edən Sumqayıt  Dövlət Rəsm Qalereyasının direktoru Ellada Həsənova və digər qonaqlar gənc rəssamın estetik dunya görüşünə malik olduğunu qeyd ediblər və yaradıcılığında inkişaf etməyi, öz üzərində işləməyi arzu ediblər.
Tədbirin davamında "Dostluq" mədəniyyət evində fəaliyyət göstərən Vüqar Cəfərovun rəhbərliyi ilə "Şahinlər" rəqs qrupu, Respublikanın muğam müsabiqəsinin qalibi Qurban Həsənov və saz ifaçısı Səbinə Hüseynova çıxış ediblər.
Tədbirdə Sumqayıt şəhər Mədəniyyət və Turizm İdarəsinin məsləhətçisi Ceyran Axundova,  mədəniyyət müəssisələrinin rəhbərləri və kollektivləri, şəhər ictimaiyyəti iştirak edib.
Xeberle.com