Azərbaycan Müdafiə Sənayesi Nazirliyinin Şirvan şəhərində yerləşən Telemexanika Zavodunda yanğın və partlayış baş verib. 
Şirvan Şəhər Polis İdarəsinin növbətçi hissəsindən ANS PRESS-ə verilən məlumata görə, zavodda yanğın baş verib. Yanğın günorta saatlarında qeydə alınıb. 
Hələlik hadisənin təfərrüatları bəlli deyil. Növbətçi hissədən verilən məlumata görə, idarənin əməkdaşları hazırda hadisə yerindədir. 
"Bizdə olan məlumata görə, yaralılar var. Ölüm haqqında isə heç bir informasiya yoxdur. Hadisə yerində təcili yardım briqadaları, polis və prokurorluq əməkdaşları işləyir". 
İlkin məlumata görə, yanğın nəticəsində yaralananların sayı 20-yə yaxındır. 
Hadisə barədə ətraflı məlumat veriləcək. 
Müdafiə sənayesi naziri Yavər Camalov hadisə yerindədir.

Foto: musavat.com


Foto: musavat.com


Foto: musavat.com
Şirvan Telemexanika Zavodunda iriçaplı döyüş patronlarının istehsalı mərkəzi fəaliyyət göstərir. Bu mərkəz prezidentin iştirakı ilə açılıb.
Azərbaycan Prezidenti İlham Əliyev 2007-ci il dekabrın 24-də və 2010-cu il aprelin 1-də Şirvana səfərləri zamanı müəssisədə yenidənqurma işlərinin gedişi ilə tanış olub.



Telemexanika zavodunun əsası 1986-ci ildə qoyulub.  (anspress.com)