Kiçik gizir Seymur Qulamhüseyn oğlu Baxışov cəbhə xəttində gedən son döyüşlərdə iştirak edib. Aprelin 2-dən hərbçimizdən heç bir xəbər olmayıb və o itkin düşmüş hesab edilib. Əvvəllər aparılan axtarışlar nəticə vermədiyindən bu gün döyüş meydanında itkin düşmüş hərbi qulluqçumuzun axtarılması prosesi yenidən bərpa edilib. Əvvəllər dəfələrlə axtarışlar aparılmış ərazidə ötən gün hərbi qulluqçumuzun meyiti aşkar edilərək götürülüb. 
Seymur Baxışov 1987-ci ildə Sumqayıt şəhərində anadan olub. O, 1994-2003-cü illərdə Sumqayıt şəhər 14 saylı məktəbin rus bölməsində təhsil alıb. 2004-2005-ci illərdə isə "Təfəkkür" liseyində oxuyaraq orta təhsilini başa vurub. Şəhid Sumqayıt şəhəri 4-cü mikrorayon, 24/8 saylı binada yaşayırdı.
Şəhidimiz bu gün saat 11:00-da Sumqayıt Şəhidlər Xiyabanında dəfn olunacaq.
Xeberle.com