Sumqayıt şəhərində "Kimyaçı Mədəniyyət Sarayı”nda Əmək Yarmarkası təşkil olunub. Yarmarkada 28 müəssisə iştirak edərək ümumilikdə 154 boş iş yeri təqdim edib.
Vakansiyalardan 124-ü peşə tələb edən, 30-u isə ixtisaslı sahələr üzrədir. Təklif olunan iş yerlərində əməkhaqqı minimum 400 manat, maksimum isə 1200 manat təşkil edir.
Sərgilənən vakansiyalar sırasında çilingər, elektrik, operator, satıcı kimi peşə sahələri ilə yanaşı, ali təhsil tələb edən satış təmsilçisi, mühasib və digər ixtisaslı vəzifələr də yer alıb.
Əmək Yarmarkasının keçirilməsində məqsəd işaxtaran vətəndaşların mövcud imkanlar barədə məlumatlandırılması və onların uyğun işlə təmin olunmasına dəstək göstərməkdir.
Xəbərdən istifadə edərkən istinad etmək vacibdir.
