Saray qəsəbəsi sakinləri sahibsiz küçə itlərinin artmasından narahatdır. Vətəndaşlar Xeberle.com-a bildirirlər ki, xüsusilə Saray qəsəbəsində, "Petrol”dan Üzümlü istiqamətinə gedən yol ərazisində itlərin sayı çoxalıb və bu da insanların gündəlik hərəkətinə maneə yaradır.
Sakinlər bildirirlər ki, sahibsiz itlər bəzən aqressivləşərək həm piyadalar, həm də nəqliyyat vasitələri üçün təhlükə yaradır. Onlar məsələ ilə bağlı dəfələrlə müraciət etsələr də, problemin hələ də həll olunmadığını qeyd edirlər.
Əhali aidiyyəti qurumlardan məsələyə diqqət ayırmağı və müvafiq tədbirlərin görülməsini xahiş edir.
Xəbərdən istifadə edərkən istinad etmək vacibdir.
