Sosial media resurslarında Abşeron Rayon Mərkəzi Xəstəxanasının Uşaq şöbəsində çimərliklərdən gətirilən azyaşlılarda bağırsaq infeksiyası hallarında artım müşahidə olunduğu və bir uşağın bu səbəbdən vəfat etdiyi barədə yayılan məlumatlar həqiqəti əks etdirmir.
Bu barədə Oxu.Az-a Abşeron Rayon Mərkəzi Xəstəxanasından məlumat verilib.
Bildirilib ki, sözügedən şöbəyə edilən müraciətlər epidemioloji xarakter daşımır, kütləvi yoluxma qeydə alınmayıb və hər hansı ağır klinik hal müşahidə olunmayıb:
"Məlumatı yayan şəxs xəstəxananın əməkdaşı deyil. Yayılan məlumat tamamilə yalandır və dezinformasiya xarakteri daşıyır".
Xəbərdən istifadə edərkən istinad etmək vacibdir.
