Sumqayıt şəhər Polis İdarəsinin Dövlət Yol Polisi Şöbəsi yeni dərs ilinin başlanması ilə bağlı məktəblərdə maarifləndirici tədbirlərə start verib.
Xeberle.com-un məlumatına görə, şagirdləri küçə və yollarda təhlükəsizlik qaydaları ilə tanış edir, habelə onlarla nizam-intizam qaydaları, eləcə də yol mədəniyyətinin yüksəldilməsi üzrə təbliğat və maarifləndirici söhbətlər aparılır.
Sumqayıt şəhər Polis İdarəsinin bölmə rəisi Yaqub Baxşəliyev deyib ki, bu kimi tədbirlər şəhərdə fəaliyyət göstərən bütün məktəblərdə həyata keçiriləcək. O, həmçinin azyaşlılar tərəfindən törədilən cinayət hadisələrinə də toxunub və bu sahədə aparılan profilaktik tədbirlərdən söz açıb: "Bu ilin ötən dövrü ərzində 13 azyaşlı tərəfindən 64 cinayət hadisəsi törədilib.
Bununla yanaşı, 84 yeniyetmə ilə bağlı fərdi-profilaktik iş açılıb və onlara nəzarət olunur. Eyni zamanda 26 valideyn də profilaktik söhbətlərə cəlb olunub.”
Qeyd olunub ki, bu kimi profilaktik tədbirlər davam etdiriləcək.
Xəbərdən istifadə edərkən istinad etmək vacibdir.
