Bu günlərdə oxucumuz, hüuquşünas Ədalət İzzət oğlu Qafarov Xeberle.com portalının poçt ünvanına maraqlı fotolar göndərib.
Fotolardan aydın görünür ki, iri bir ağac binanın altından bitib çıxıb. Bu, bina sakinlərinin və oradan keçənlərin marağına səbəb olub. Söhbət Heydər Əliyev prospekti, 34-cü məhəllə, 12/55 saylı binanın həyətindəki mənzərədən gedir. Amma bu qəribə olayın təhlükəli tərəflərini də unutmayaq. Xeyli müddətdir bu formada əyilən ağac hər an təhlükə yarada, oradan ötüb keçən sakinlərə xəsarət verə bilər. Qeyd edək ki, ağacın altından və üstündən elektrik xətti də keçir.
Ümidvarıq ki, bu faktı görəndən sonra Sumqayıt Şəhər Yaşıllşadırma İdarəsinin və məhəlli MİS-in əməkdaşları müvafiq tədbir görəcəklər.