"Mənə aid olan məsələ ilə bağlı heç bir qorxum yoxdur, mən həmişə bu təslimkar populistlərin xalqımıza daha çox fəsadlar gətirəcək anti-erməni siyasətindən qorxmuşam". 
Xeberle.com məlumat verir ki, bunu Ermənistanın üçüncü prezidenti Serj Sarkisyan məhkəmə iclasından sonra jurnalistlərlə söhbətində deyib. 
O, jurnalistin "Azərbaycanın tələbi ilə Azərbaycana ekstradisiya olunacağından qorxmurmu?" sualına belə cavab verib: "Qanunauyğunluqları bir az da dərindən araşdırın. Ermənistan xalqı ölkə liderinin Konstitusiyanı pozaraq, həmin vətəndaşın mən, Poqosyan və ya Petrosyan olmasından asılı olmayaraq başqa ölkəyə təhvil verməsinə göz yumacaqsa, nə deyə bilərəm?
Ermənistan Respublikasının tarixində heç vaxt bu qədər siyasi məhbus olmayıb və belə davam etsə, onların sayı daha da artacaq".

Xəbərdən istifadə edərkən istinad etmək vacibdir.