Sumqayıt Dövlət Dram Teatrında yeni səhnə əsəri – "Aldanmış ər” tamaşasının premyerası baş tutacaq.
Tamaşa dünya dramaturgiyasının klassiklərindən olan J.B. Molyerin əsəri əsasında hazırlanıb. Səhnə işinin bədii rəhbəri Xalq artisti Firudin Məhərrəmov, rejissoru isə Ümüd Abbasdir. Musiqi tərtibatı Rəvan Alməmmədliyə, quruluşçu rəssam işi isə Osman Salmanova məxsusdur.
Tamaşada Əməkdar artistlər Sədaqət Nuriyeva, Cəlal Məmmədov, eləcə də aktyorlar Oktay Mehdiyev, Mətləb Səfərli, İlahə Səfərova, Aynur Hümbətova, Kamran Muradlı, Elmir Mehdiyev, Ramazan Xanlarov, Səbinə Abdullayeva, Emil Həmidov, Şəhriyar Aşkari və Məhbubə Qorbanı rol alırlar.
Premyera 23 yanvar, saat 18:00-da Sumqayıt Dövlət Dram Teatrında keçiriləcək.
Qeyd edək ki, klassik komediya janrında hazırlanan tamaşanın teatrsevərlər tərəfindən böyük maraqla qarşılanacağı gözlənilir.
Xəbərdən istifadə edərkən istinad etmək vacibdir.
