Fövqəladə Hallar Nazirliyinin Tərtər rayon Dövlət Yanğından Mühafizə Hissəsinin rəisi, polkovnik Mübariz Əliyev xidmətdə olmanın son yaş həddi ilə əlaqədar olaraq təqaüdə göndərilib.
Xeberle.com-un əldə etdiyi məlumata görə, bu barədə Azərbaycan Respublikasının fövqəladə hallar naziri, general-polkovnik Kəmaləddin Heydərovun müvafiq əmr imzalayıb.
Qeyd edək ki, Polkovnik Mübariz Əliyev yalnız 44 günlük Vətən müharibəsinin deyil, həmçinin Birinci Qarabağ müharibəsinin və 2016-cı il Aprel döyüşlərinin də fəal iştirakçısı olub. O, yanğınsöndürənlər arasında "Qarabağın ağsaqqalı” kimi də tanınır.
Xüsusilə ötən il Ağdərə rayonu ərazisində baş vermiş genişmiqyaslı yanğınların söndürülməsinə rəhbərlik etməsi, çətin və riskli şəraitdə şəxsi heyətin düzgün idarə olunması onun peşəkarlığının bariz nümunəsi kimi yadda qalıb.
Xəbərdən istifadə edərkən istinad etmək vacibdir.
