Azərbaycanın qadın cüdoçusu Aydan Vəliyeva Almaniyanın Reyn-Rur regionunda keçirilən Ümumdünya Yay Universiadasında yarımfinala yüksəlib.
Xeberle.com məlumat verir ki, 52 kiloqram çəki dərəcəsində çıxış edən idmançı mübarizəyə 1/8 finaldan başlayıb. Startda kambocalı Seynih Kunaya qalib gələn cüdoçu daha sonra fransalı Lea Beresi mübarizədən kənarlaşdıraraq adını yarımfinala yazdırıb.
Bu gün mübarizəyə qoşulan digər Azərbaycan cüdoçularından Könül Əliyeva (48 kiloqram) ilk görüşündə, Babarəhim Mirzəyev (60 kiloqram) və Nazir Talıbov (66 kiloqram) isə 1/8 finalda uduzaraq yarışı medalsız baş vurublar.
Qeyd edək ki, hazırda Azərbaycanın aktivində üç medal var. Bədii gimnastika üzrə qrup hərəkətləri komandası iki qızıl və bir gümüş mükafat əldə edib.
Xəbərdən istifadə edərkən istinad etmək vacibdir.
