Bu görüntülər Sumqayıt şəhər 1 saylı Uşaq Poliklinikasındandır. Poliklinika 1975-ci ildən fəaliyyət göstərir. Adıçəkilən tibb müəssisəsi müasir bir dövrdə yaşadığımıza baxmayaraq öz “keçmiş”ini çox gözəl qoruyub saxlayıb. Poliklinika ikimərtəbəlidir. Xüsusilə 2-ci mərtəbəsi çox bərbad vəziyyətdə olan bu poliklinikanın dəhlizi, tavanı, hətta otaqları belə acınacaqlı vəziyyətdədir. Sağlam düşüncəli, savadlı həkimlərinin olmasına baxmayaraq, onlar çox çətin şəraitdə çalışırlar. Poliklinika işçilərinin “Xəbərlə”yə dediklərinə inansaq, hər il müəyyən qədər pul vəsaitinin yığılmasına baxmayaraq, orada istilik sistemi fəaliyyət göstərmir. Məcbur qalaraq, hər kəs öz “cib”inə görə, alternativ qızdırıcılardan istifadə edir.

Məsələylə əlaqədar, poliklinikanın baş həkimi ilə əlaqə saxlamaq istəsək də, cəhdlərimiz boşa çıxdı. Mövzuya qayıdacağıq.

Türkan, xeberle.com