İran hakimiyyəti anomal istilər və elektrik enerjisinə qənaət edilməsi zərurətinə görə iyulun 23-də paytaxt Tehran vilayətində bütün dövlət qurumlarını, bankları və müəssisələri bağlamaq qərarına gəlib.
Xeberle.com məlumat verir ki, bu barədə İran KİV məlumat yayıb.
Paytaxtda havanın temperaturu 40 dərəcəni keçib və hökumət vətəndaşları ən isti saatlarda evdə qalmağa çağırıb.
Hökumət sözçüsü Fatemeh Mohacerani əhalini elektrik enerjisi və su istehlakını azaltmağa çağırıb.
Bəyanatda vurğulanır ki, enerjiyə qənaət və vətəndaşların sağlamlığının qorunması məqsədilə Tehran vilayətində bütün qurumlar bir gün müddətinə bağlanacaq.
Xəbərdən istifadə edərkən istinad etmək vacibdir.
