Türkiyə xəstə heyvanların ətini yeməklə yoluxa bilən dabaq xəstəliyi virusu səbəbilə bütün mal-qara bazarlarını bağlamaq qərarına gəlib.
Xeberle.com məlumat verir ki, bu barədə Türkiyənin İHA xəbər agentliyi məlumat yayıb.
Ölkənin Kənd və Meşə Təsərrüfatı Nazirliyi yanında Qida Məhsullarına Nəzarət Baş İdarəsi Qurban bayramından sonra müşahidə olunan virusa yoluxma hallarının artması ilə əlaqədar bütün 81 əyalətdəki şöbələrinə təcili məlumat göndərib.
Dabaq xəstəliyi aşkarlanan ərazilərdə karantin rejimi tətbiq edilib. İdarədən qeyd olunub ki, qısa müddətdə bütün heyvanları bu virusa qarşı peyvənd etmək mümkün deyil.
Xəbərdən istifadə edərkən istinad etmək vacibdir.
