30 iyun 2025-ci il tarixindən bir il müddətinə Rusiya Federasiyasının dövlət sərhədinin bütün buraxılış məntəqələrində əcnəbi vətəndaşlar və vətəndaşlığı olmayan şəxslər üçün pilot giriş-çıxış proseduru tətbiq ediləcək.
Xeberle.com məlumat verir ki, bu barədə Rusiya KİV məlumat yayıb.
"Müəyyən edilmiş qaydalara uyğun olaraq, Rusiya Federasiyasına vizasız daxil olmağı planlaşdıran xarici vətəndaşlar və vətəndaşlığı olmayan şəxslər belə girişə qədər Vahid Eyniləşdirmə Sistemində qeydiyyat prosedurundan keçməli və Rusiya Federasiyasına nəzərdə tutulan girişdən ən geci 72 saat əvvəl "ruID" mobil tətbiqi vasitəsilə ölkəyə daxil olmaq üçün elektron ərizə təqdim etməlidirlər.
Bu prosedur aşağıdakı xarici vətəndaşlar kateqoriyası istisna olmaqla, Rusiya Federasiyasının dövlət sərhədini vizasız keçən xarici vətəndaşlar üçün məcburidir:
Belarusiya Respublikasının vətəndaşları;
Diplomatik və xidməti pasportların sahibləri;
6 yaşına çatmamış xarici vətəndaşlar və vətəndaşlığı olmayan şəxslər", - deyə məlumatda qeyd olunub.
Rusiya Federasiyasına viza rejimi, o cümlədən vahid elektron viza ilə daxil olma proseduru dəyişməz olaraq qalır.
Xəbərdən istifadə edərkən istinad etmək vacibdir.
