Qubadlı Rayon İcra Hakimiyyətinin inzibati binasında uzun illər rayonda
müxtəlif vəzifələrdə çalışmış, rayonun ictimai-siyasi həyatında fəal iştirak
etmiş, ağsaqqal Azad Hacıbaba oğlu
Hacıyevin 90 illik yubileyi ilə bağlı tədbir keçirildi. Tədbirdə Qubadlı
RİH-nin başçısı Malik İsaqov, idarə, müəssisə təşkilat rəhbərləri və ictimaiyyət
nümayəndələri iştirak edirdilər.
Tədbirdə çıxış edən
Qubadlı RİH-nin başçısı Malik İsaqov Azad Hacıyevin həyat yoluna nəzər salaraq
qeyd etdi ki, onun taleyinə rayonun
nüfuz və hörmət sahibi olan, uzun illər rəhbər vəzifələrdə çalışmış gözəl
ziyalı, Respublikanın "Əməkdar Müəllimi” Hacıbaba Hacıyevin ailəsində dünyaya gəlmək
düşüb. 1929-cu ildən başlayan həyat
yolunun ilk dövrü digər yaşıdları kimi müharibə və mərhumiyyətlərlə dolu qaynar
dövrlərə təsadüf etdiyini bildirən başçı daha sonra Azad Hacıyevi 90 illik
yubileyi münasibətilə təbrik edərək ona uzun ömür can sağlığı arzuladı.
Azad Hacıyev 29 sentyabr 1929-cu ildə Qubadlı
rayonu, Qaracallı kəndində anadan olub. Çətinliklərə baxmayaraq uğurla orta məktəbi
bitirmiş, ali təhsilini Azərbaycan Pedaqoji Universitetində (APİ) almışdır. Əmək
fəaliyyətinə başladığı ilk vaxtlardan məsul
vəzifələrdə çalışmışdır. 1948-1949 dərs ilində Qaracallı kənd tam orta məktəbində
müəllim, 1949-1956-cı illərdə İmişli rayonunda
"İmişli kolxozçusu qəzetinin redaktoru və zona üzrə” Azərbaycan Teleqraf
Agentliyinin xüsusi müxbiri, 1956-1963-
cü illərdə Zəngilan-Qubadlı rayon Partiya Komitələrində təlimatçı-şöbə müdiri, 1964-1973-cü
illərdə Qubadlı Kino idarəsinin müdiri, 1973-1982-ci illərdə Q.İlyasov adına Qubadlı qəsəbə 1saylı məktəbin
direktoru , 1982-1991-ci illərdə Qubadlı
şəhər Xalq Deputatları Sovetinin sədri, 1991-1993-cü illərdə isə Qubadlı şəhər
inzibati ərazi dairəsi üzrə RİHB-nın nümayəndəsi vəzifələrində çalışmışdır. Yeni
Azərbaycan Partiyasının Qubadlı rayon təşkilatının üzvüdür.
Azad Hacıyev hər zaman dövlətə, dövlətçiliyə bağlı
olmaqla vətənpərvərlik və milli mənəvi dəyərləri həmişə uca tutmuşdur. Təsadüfi
deyil ki, torpaqlarımızın qorunması uğrunda
döyüşlərdə şücaət göstərərək şəhidlik
zirvəsinə yüksələn onlarla gənc məhz Azad Hacıyevin rəhbərlik etdiyi dövrdə Qara İlyasov
adına Qubadlı qəsəbə orta məktəbində təhsil alan gənclərdir.Belə ki, bunlardan 4 nəfəri Milli Qəhrəman adına layiq
görülmüşdür.
Tədbirdə çıxış edən
digər natiqlər Azad Hacıyevin işlədiyi dövr ərzində rаyоnda nəzərəçаrpаcаq işlər
gördüyünü, insanların həmişə məsləhət və tövsiyyələrinə, qayğı və köməyinə
ehtiyac duyduğu müdrik ağsaqqallarımızdan biri olduğunu bildirdilər.
Daha
sonra RİH-nin başçısı tərəfindən rayonun İctimai-Siyasi həyatında fəal
iştrakına görə Azad Hacıyevə fəxri fərman və hədiyyə verildi.
Sonda yubliyar tədbirin təşkil
olunmasına, göstərilən diqqət və qayğıya görə ölkə başçısına və rayon rəhbərinə
öz dərin minnətdarlığını bildirdi.
Xəbərdən istifadə edərkən istinad etmək vacibdir.
