Sumqayıt Bülbül adına Uşaq İncəsənət Məktəbində Səməd Vurğun adına Mərkəzi kitabxana və 7 saylı uşaq kitabxana filialının təşkilatçılığı ilə ümummilli lider Heydər Əliyevin 92-ci ildönümünə həsr olunmuş səyyar sərgi təşkil edilib.
Səyyar sərgidə Mərkəzi kitabxananın fondunda olan incəsənətin müxtəlif sahələrinə dair kitablar, not əsərləri, Heydər Əliyev Fondunun nəşrlərindən olan "Muğam ensiklopediyası”, eyni zamanda "Ustad xanəndələr”, ”Gənc xanəndələr”, "Muğam dəstgahları”, "Qarabağ xanəndələri” kimi elektron nəşrlər, uşaq kitabları nümayiş etdirilib. Sərgi həm məktəbin müəllimləri, həm də şagirdlər tərəfindən böyük maraqla qarşılanıb. Mərkəzi kitabxananın əməkdaşları kitablar haqqında tədbir iştirakçılarına məlumat veriblər. Sərgidə 400 sayda ədəbiyyat nümayiş etdirilib.
Müxtəlif yerlərdə belə səyyar sərgilərin təşkil edilməsi şəhər əhalisi arasında kitaba marağın daha da artmasına və kitabxanalara daha çox oxucu kütləsinin cəlb edilməsinə kömək edir.
Xeberle.com