Qərbi Kaspi Universitetinin Filologiya və Tərcümə Məktəbinin Azərbaycan
dili və ədəbiyyatı kafedrasının təşkilatçılığı ilə "Azərbaycanın klassik
ədəbi-bədii irsinin təbliği və müasir milli ədəbiyyatın inkişafında
"Azərbaycan” jurnalının rolu" mövzusunda elmi seminar keçirilib.
Məruzəçi
şair-publisist, Azərbaycan Milli Ensklopediyasının direktor müavini,
Əməkdar mədəniyyət işçisi, Qərbi Kaspi Universitetinin müəllimi Vaqif
Bəhmənli "Azərbaycan” jurnalı, onun fəaliyyət istiqamətləri, toxunduğu
mövzular barədə məlumat verib, jurnalın ədəbiyyatımızdakı yerini şərh
edib.
Daha sonra çıxış edən "Azərbaycan” jurnalının baş
redaktoru İntiqam Qasımzadə, jurnalın baş redaktor müavini Südabə
Ağababayeva, filologiya elmləri doktoru Vaqif Yusifli, yazıçı,
dramaturq, əməkdar incəsənət xadimi Əli Əmirli və başqaları jurnalın
ictimai fikirə təsirini, eyni zamanda ədəbiyyatımızın inkişafındakı
yerini şərh ediblər. Qeyd edilib ki, müasir texnologiyaların inkişafına
rəğmən ənənəvi çapın, kitabın və mətbuatın cəmiyyətin inkişafındakı rolu
əvəzedilməzdir.
Xəbərdən istifadə edərkən istinad etmək vacibdir.
