Elm və Təhsil Nazirliyi bu qurumda aparılan yoxlamalara aydınlıq gətirib.
Nazirlikdən Xeberle.com-a bildirilib ki, Hesablama Palatasının keçirdiyi audit razılışdırılmış birgə tədbirdir. Yəni yoxlamalar Elm və Təhsil Nazirliyi ilə Hesablama Palatası tərəfindən birgə aparılır.
Nazirlikdən deyilib ki, aparılan birgə audit tədbirləri davamlı prosesdir. Elm və Təhsil Nazirliyində hər il belə nəzarət tədbirləri həyata keçirilir.
Hazırda aparılan audit yoxlamaları nazirliyin fəaliyyətində təhsil sisteminin informasiyalaşdırılması proseslərinin səmərəliliyi və nəticəliliyinin qiymətləndirilməsini əhatə edir. Bununla yanaşı, nazirliyin tabeliyində fəaliyyət göstərən "Təhsil Respublika İdman Mərkəzi” publik hüquqi şəxsdə də nəzarət tədbiri həyata keçirilir.
Xəbərdən istifadə edərkən istinad etmək vacibdir.
