Cenevrədə ATƏT-in Minsk Qrupu həmsədrlərinin (Rusiya, Fransa, ABŞ) və Azərbaycan nümayəndəsinin iştirakı ilə Dağlıq Qarabağ münaqişəsinə dair danışıqlar aparılır.
Xeberle.com xəbər verir ki, bu barədə "RİA Novosti" agentliyi Fransanın BMT-nin Cenevrə ofisi yanında Daimi nümayəndəliyinə istinadla məlumat yayıb.
Qeyd edilib ki, görüş BMT-dən kənarda, qapalı formada keçirilir. Danışıqlarda Minsk Qrupunun Rusiya, Fransa və ABŞ-dan olan həmsədrləri iştirak edirlər.
Xatırladaq ki, Azərbaycanın Xarici İşlər naziri Ceyhun Bayramov hazırda Cenevrədə səfərdədir.
Xəbərdən istifadə edərkən istinad etmək vacibdir.
