Beynəlxalq Qızıl Xaç Komitəsinin (BQXK) əməkdaşları iyun ayında hərbi cinayətlərdə ittiham olunan erməniəsilli şəxslərə yenidən baş çəkiblər.
Xeberle.com məlumat verir ki, bu barədə "Report"un sorğusuna cavab olaraq BQXK-nin Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova bildirib.
Belə ki, saxlanılan şəxslərlə təkbətək görüşlər keçirilib, ailələri ilə əlaqə üçün şərait yaradılıb və onlar ailələrindən bağlamalar alıb.
BQXK mandatına uyğun olaraq bu cür başçəkmələr zamanı saxlanılan şəxslərlə rəftarı və saxlanma şəraitini qiymətləndirir. Qurum, həmçinin şəxslərin ailələri ilə əlaqələrini bərpa və ya davam etdirmək üçün şərait yaradır. BQXK-nın prosedurlarına uyğun olaraq, başçəkmələrlə bağlı müşahidələr və tövsiyələr yalnız saxlayan tərəflə paylaşılır və müzakirə edilir.
Xəbərdən istifadə edərkən istinad etmək vacibdir.
