"Bu gün yeni tədris ilində şəhərimizin 49 məktəbində Bilik Günü tədbirləri keçirilib və 5075 şagird birinci sinfə qədəm qoyub”.
Bunu Xeberle.com-un sorğusuna cavab olaraq Abşeron-Xızı Regional Təhsil İdarəsindən bildirilib. Qeyd edilib ki, ümumilikdə Sumqayıt şəhərində 43 ümumtəhsil məktəbi, 1 gimnaziya, 3 lisey, 2 internat və 1 xüsusi məktəb fəaliyyət göstərir. Şagirdlərin təlim-tərbiyəsi ilə 4 min 215 müəllim məşğul olur.
Cari tədris ilində bu məktəblərdə 66 min 347 şagird təhsil alacaq ki, onlarda 6 min 153 nəfəri təhsilini IX sinfində, 4 min 761 nəfəri isə XI sinfidə davam etdirəcək. Həmçinin, 2 min 524 uşaq məktəbəhazırlıq qruplarına cəlb olunacaq.
Xəbərdən istifadə edərkən istinad etmək vacibdir.
