Sumqayıt Dünya Azərbaycanlılarının Həmrəyliyi gününü və Yeni ili yüksək əhval-ruhiyyədə qarşılayır. Mərkəzi küçələr bayramsayağı bəzədilib. 2015-cü ilin gəlməsinə çox az qalıb. Şəhərin mərkəzi küçələrində və parklarda da küknar ağacları quraşdırılıb. Şəhərin ən hündür yolkası isə Bayraq Meydanındadır. Belə yolkalar şəhərin gecələrini daha da füsunkar edir. Ümummilli lider Heydər Əliyevin abidəsinin ətrafı, Hüseyn Ərəblinski adına Sumqayıt Dövlət Dram Teatrının binası xüsusi işıqlandırma sistemi ilə bəzədilib. Sülh küçəsi boyunca Yeni ilin simvolları olan Şaxta baba və Qar qız sakinləri yeni il ilə müjdələyir. Sumqayıtlılar yola salmağa hazırlaşdıqları 2014-cü ildə bir sıra nailiyyətlərin şahidi olublar. Şəhərdə abadlıq və quruculuq işləri geniş vüsət alıb. Yeni nümunəvi məhəllələr salınıb. Artıq mərkəzi küçələr ilə yanaşı, şəhərin Tağıyev qəsəbəsində də böyük abadlıq işləri aparılır, mikrorayonların siması dəyişir. Sumqayıtlılar 2014-cü ilin böyük uğurlarla yola salıb, 2015-cü ili yeni arzularla qarşılayırlar.

Xeberle.com