"Biz də insanıq, insan kimi yaşamaq istəyirik. Nə təmir edirlər, nə də ki bizə bir gün ağlamırlar. Bu qədər sakin çox çətin vəziyyətdədir".
Xeberle.com xəbər verir ki, bu haqda İTV-də yayımlanan "Xəbərimiz var" verilişində Sumqayıt sakinləri danışıblar.
Onlar binalarının baxımsız vəziyyətdə olduğunu dilə gətiriblər.
Məsələ ilə bağlı Sumqayıt şəhər icra hakimiyyətindən də açıqlama verilib: "Sumqayıt şəhərinin baş planına uyğun olaraq istismar müddətini başa vurmuş yaşayış binalarının sökülməsi və yerində müasir yaşayış komplekslərinin inşası prosesinə artıq başlanılıb. Hazırda şəhərin bir neçə yaşayış massivində, o cümlədən 4-cü, 15-ci, 16-cı, 17-ci və 21-ci məhəllələrində ardıcıl və planlı şəkildə işlər həyata keçirilir. Bu proses digər ərazilərdə də gələcəkdə davam etdiriləcəkdir".
İcra Hakimiyyətindən o da bildirilib ki, yataqxananın yerləşdiyi 18-ci məhəllədə də söküntü işləri nəzərdə tutulub. Görünür vətəndaşlar bu şəraitdə hələ bir müdət yaşamalı olacaqlar.
Mövzu ilə bağlı reportajı təqdim edirik:
Xəbərdən istifadə edərkən istinad etmək vacibdir.
