Sürətli şəkildə dəyişimlərin və inkişafın olduğu bir dünyada sağ qalmağın yeganə yolu dəyişimə uyğunlaşmaq, yəni yenilənməkdir. Amma yenilənmək anlayışı geniş və ciddi anlayış olduğu üçün sadəcə yenilənməyi istəmək bəs etmir, çox zaman ilk addımı atmaq və yol xəritəsini hazırlamaq çətin olur. Xüsusilə də cəmiyyətdə yeniliyin əsas qüvvələrindən biri olan xanımlar öz üzərlərinə düşən öhdəikləri icra etmək və övladlarını yeni dünyaya hazırlanmaq üçün ilk öncə özləri yenilənməlidir. Bütün bunları nəzərə alaraq 1 Mart tarixində 2-ci dəfə olaraq «YeniSƏN» adlı qadınların şəxsi inkişaf forumu keçiriləcəkdir.
«YeniSƏN» layihəsinin əsas məqsədi forumda iştirak edən hər bir xanımı ölkədə öz sahəsində uğur qazanmış mütəxəssislərlə görüşdürmək və sağlam qidalanma, erkən yaşlanma, övlad yetişdirmək, düzgün karyera qurmaq, az büdcə ilə yaxşı təhsil almaq və eləcə də hüquq, psixologiya, maliyyə sahəsində biliklərini artırmaq ilə bağlı mövzularda maarifləndirməkdir.
Layihədə mütəxəssislərlə yanaşı, uğurlu biznes sahibi olan xanımlar öz təcrübələrini də iştirakçılarla bölüşmək imkanı əldə edəcəkdir. Tədbirdə xanımları müxtəlif sürprizlər, hədiyyələr və bol-bol məlumatlar gözləyir.
Nəzərinizə çatdıraq ki, forum təhsil və maarifləndirmə sektorunda fəaliyyət göstərən "World” Karyera və Peşə Mərkəzi , eləcə də "Ömür Dent” diş klinikası tərəfindən təşkil olunur.
Tədbirdə öz brendini geniş auditoriyaya tanıtmaq istəyən şirkətlər və eləcə də bilet alaraq iştirak etmək istəyənlər aşağıdakı nömrə ilə əlaqə saxlaya bilər. 055 674 72 30 (WhatsApp).
Xəbərdən istifadə edərkən istinad etmək vacibdir.
