Sumqayıt şəhəri, 21-ci məhəllə, bina 2/11-in qarşısında yerləşdirilən ticarət köşkü yerli sakinlərin ciddi narazılığına səbəb olub. 


Sakinlərin Xeberle.com-a bildirdiyinə görə, bu köşk əvvəllər 5-ci məhəllədə, "Ağ Ev” kimi tanınan binanın qarşısında yerləşdirilmişdi. Lakin həmin ərazidə yaşayan sakinlərin şikayətindən sonra köşk oradan götürülərək 21-ci məhəlləyə, tarixi yaşayış binasının qarşısına yerləşdirilib.

Qonşular bildirir ki, bu cür obyektlərin yaşayış binalarının qarşısına, xüsusilə də şəhərin memarlıq baxımından önəm daşıyan tikililərinin önünə qoyulması həm estetik baxımdan uyğun deyil, həm də ətraf mühitin ümumi görüntüsünü pozur.


Sakinlər dəfələrlə aidiyyəti qurumlara müraciət etdiklərini, lakin şikayətlərinə cavab verilmədiyini deyirlər. Onlar məsələ ilə bağlı tədbir görülməsini və obyektin başqa, daha uyğun bir əraziyə köçürülməsini tələb edirlər.

 

Xəbərdən istifadə edərkən istinad etmək vacibdir.