Sumqayıtda Azərbaycan - İsrail Tibb Mərkəzinin xətti ilə "UĞUR” klinikasında Beynəlxalq Diaspora Mərkəzinin (BDM) təşəbbüsü ilə və Sumqayıt İcra Hakimiyyətinin, "Vətəndaşların Sosial Rifahının Gücləndirilməsinə Dəstək" İctimai Birliyinin (VSRGDİB) , "Əlil Sahibkarlar Təşkilatı" İctimai Birliyinin (ƏSTİB), Əlil Təşkilatlar İttifaqının (ƏTİ) və Əlil Qadınlar Cəmiyyəti İctimai Birliyinin (ƏQCİB) birgə təşkilatçılığı ilə "AÇIQ QAPI" XEYRİYYƏ AKSİYASI keçirilib. Aksiyanın məqsədi imkansız və əlilliyi olan şəxslərin pulsuz tibbi müayinəsi olub. Xeyriyyə aksiyasından 103 nəfər əlilliyi olan və imkansız şəxslər faydalanaraq pulsuz tam tibbi müayinədən keçiblər.

Bu aksiyada Sumqayıt , Xızı, Siyəzən, Şabran, Quba, Xaçmaz və Qusar inzibati ərazilərində yaşayanlar iştirak ediblər.

Belə aksiyaların ölkənin digər regionlarında da keçirilməsi planlaşdırılır.

Azərbaycan - İsrail Tibb Mərkəzi ənənələrinə sadiq qalaraq ilkə imza atıb,hümanistlik missiyasını davamlı reallaşdırmaqdadır və bu qəbil xeyriyyəçilik tədbirlərində əlilliyi olan şəxslərlə bərabər Azərbaycanımızın müstəqilliyi uğrunda sağlamlığını itirmiş çoxsaylı müharibə iştirakçısı qazilərimiz də faydalanmasına şərait yaratmaqdadır.
Xeberle.com