Ağdam Olimpiya İdman Kompleksində ümummilli lider Heydər Əliyevin xatirəsinə həsr olunan universal döyüş üzrə beynəlxalq turnir keçirilib.
Turnirdə Azərbaycanla yanaşı Rusiya, Türkiyə, İran, Gürcüstan, Qazaxıstan və Litvadan 420 idmançı mübarizə aparıb.
Beynəlxalq turnirdə iştirak edən Sumqayıt Unifight Klubunun idmançiları Ülvi Teyyubzadə və Ülvi Hacıyev 1-ci yerə, Emil Mirzəliyev, Anar Quliyev və Qurban Qasımov 2-ci yerə, Elnur Səfərli isə 3-cü yerə layiq görülüblər.
Sumqayıt təmsilçilərinin hesabında 2 qızıl, 3 gümüş və 1 bürünc medal var. (azertag.az)