Topaz Premyer Liqasında 31-ci turun oyunları keçirilib. "Sumqayıt" Futbol Klubu "Kapital Bank Arena"da "Simurq"la qarşılaşıb. Maraqlı idman mübarizəsi şəraitində keçən görüşdə komandamız 1:0 hesabı ilə qələbə qazanıb. Komandamızdan yeganə qolu 49-cu dəqiqədə Pərdis Fərcad-Azad vurub.
Xeberle.com məlumat verir ki, "Sumqayıt”ın baş məşqçis Aqil Məmmədov "Simurq”a qarşı oyunlarının həmişə ağır keçdiyini deyib. Oyuna yüksək səviyyədə hazırlaşdırlarını bildirən  A. Məmmədov qeyd edib ki, bütün kollektiv qələbəyə köklənmişdi: "Uzun fasilədən sonra qələbə qazandığımız üçün şadam. Azarkeşləri, oyunçuları təbrik edirəm. Düşünürəm ki, bu qələbə bizə qara zolaqdan çıxmaq üçün əlavə üstünlük verəcək”.

"Simurq”un baş məşqçisi George Çixradze komandasının avrokuboklara getmək şansını kubokda məğlub olmaqla itirdiyiniə görə oyunun çətin keçdiyini vurğulayıb: "Bu baxımdan bizim üçün çətin idi. Bütün bunlara baxmayaraq, oyuna pis başlamadıq. İkinci hissədə müdafiədə səhv etdik. Bundan sonra şanslarımız olsa da, hesabı bərabərləşdirə bilmədik”.