Zakir Fərəcovun Sumqayıt Şəhər İcra Hakimiyyətinin başçısı təyin olunduqdan sonra Sumqayıt şəhər dənizkənarı bulvarında da əsaslı işlərin görüləcəyini vəd etmişdi.
Yaxın zamanlarda dənizkənarı bulvarda və Nəsimi adına dənizkənarı mədəniyyət və istirahət parkında bir neçə istiqamətində çox maraqlı və  müasir infrastruktur layihələrinin icra olunması gözlənilir.
Dənizkənarı bulvarda görüləcək işlərin layihəsi də artıq hazırdır. Burada müasir tələblərə cavab verən ticarət və əyləncə mərkəzləri, kinoklub, idman infrastrukturu, yaşayış binaları inşa olunacaq. Bununla yanaşı çimərlik zonasında da əsaslı işlər görülərək şəhər sakinlərinin ixtiyarına veriləcək.(sumqayitxeber.com)