Qarabağ uğrunda gedən döyüşlərdə həlak olan oğul və qızlarımızın adını əbədiləşdirmək, xatirəsini əziz tutmaq üçün Azərbaycanın bütün bölgələrində, eləcə də Sumqayıt şəhərində abidələr qoyulub, parklar salınıb. Çünki hər şəhid Vətənin mənəvi ucalığıdır.
Lakin son zamanlar şəhidlərin xatirəsinə ucaldılan abidələrə qarşı laqeyd yanaşılır, dağılan şəhid abidələrinə  göz yumulur. Belə ki, Sumqayıtda 9-cu mikrorayon ev 11/17 saylı binanın yaxınlığında yerləşən və vətən uğrunda canlarını fəda edən 5 şəhidin xatirəsinə ucaldılmış abidə baxımsızlıq ucbatından bərbad vəziyyət düşüb. Artıq abidənin beton piltəsi yerindən qopmaq üzrədir. Belə getsə  abidə tamamilə dağılacaq. Ərazidə yaşayan sakinlər də xatirə abidəsinin vəziyyətinin onları narahat etdiklərini bildiriblər. Sakinlər deyirlər ki, sözügedən abidə uzun müddətdir bu vəziyyətdə olsa da, yaranan problemi aradan qaldırmağa cəhd edən yoxdur. 
Buna nə ad verməyi buraxaq əraziyə baxan "vətənpərvər” qurumların öhdəsinə...

Ramil Zeynallı, xeberle.com