Bir neçə dəqiqə öncə Sumqayıtın mərkəzində avtomobilin motorxanasında yanğın olub. Xeberle.com məlumat verir ki, hadisə şəhərin Sülh küçəsində, mərkəzi bazarın yaxınlığında baş verib. 99 ED 796 dövlət nömrə nişanlı "Mazda" markalı yolsuzluq avtomobilinin sürücüsü işıqforda dayanıb. Bu zaman avtomobil qəfildən alışıb yanıb. O, cəld maşınını tərk etməli olub və kömək çağırıb. FHN əməkdaşlarının yardımı ilə avtomobili söndürmək mümkün olub. Ardınca avtomobili evakuatorla aparıblar. Hadisə nəticəsində xəsarət alanın olmadığı söylənilir.

Kamran Kazımzadə
Xeberle.com