Sumqayıt şəhərində Novruz bayramı ilə əlaqədar 18 mart tarixində keçirilən şəhər tədbirindən sonra sakinlər Bayraq meydanını biabırçı hala qoydular. Qeyd edək ki, analoji hal hər dəfə şəhərimizdə təşkil olunan müxtəlif səpkili kütləvi tədbirlərdən sonra təkrarlanır. Yaxşı olardı ki, Sumqayıtda şəhər tədbirlərinin yüksək səviyyədə keçirilməsi ilə yanaşı, təmizlik mədəniyyəti ilə bağlı ciddi maarifləndirmə tədbirləri də keçirilsin.
Hesab edirik ki, bu mənzərənin yaranmaması üçün ən azından əraziyə üzərində ''Zibili bura atın'' yazısı və xüsusi ox işarəsi təsvir edilən zibil qabları da gətirilməlidir. Yoxsa meydanı zibilləyənlər bilməzlər ki, zibil hara atılmalıdır. Çünki aldığımız məlumata görə meydana zibil qabları gətirilibmiş...
Əgər zibil qablarının təşkil olunması, düzülməsi şəhər Təmizlik Departamentinin işidirsə, şəhəri, onun küçə və meydanlarını təmiz saxlamaq da Sumqayıt sakinlərinin borcudur.
Əməkdaşımız Kamran Kazımzadənin tədbirdən sonra Bayraq meydanında çəkdiyi fotoları təqdim edirik.
Xeberle.com