Sumqayıt da məktəblilərin "Azərbaycan Xanlıqlar dövründə” mövzusunda ənənəvi elmi-nəzəri  konfransı  keçirilib.
Əvvəlcə Bayraq Meydanındakı çadırlarda Gəncə, Quba, Qarabağ, Lənkəran, Şəki və İrəvan xanlıqlarına həsr olunan səhnələr nümayiş etdirilib. Sonra məktəblilər qonaqlara xanlıqlar haqqında qısa məlumat veriblər.
Konfransda çıxış edən  Sumqayıt  Şəhər  İcra  Hakimiyyətinin  başçısı Eldar Əzizov  vurğulayıb ki,  bu cür  tədbirlərin  keçirilməsində  məqsəd məktəblilərdə  vətənpərvərlik  hislərinin  gücləndirilməsi,  elmi-tədqiqat  vərdişlərinin  formalaşdırılması və dövlətçilik  tariximizin  daha  dərindən  öyrənilməsi dir.
Sonra şəhər məktəblərinin VII-XI sinif  şagirdlərinin araşdırmaları dinlənilib.
Konfransda şəhərin 48 məktəbindən Azərbaycan xanlıqlarına həsr  olunan  20  mövzu  ətrafında diskusiyalar aparılıb. Mövzular  xanlıqların yarandığı gündən onların parçalanmasınadək  olan dövrü  əhatə  edib.   (azertag.az)