Bu gün "Azərikimya" İstehsalat Birliyinin müəssisələrində növbəti şənbə iməciliyi keçiril­ib. İməcilikdə Etilen-polietilen zavodundan, Təmir-ti­kinti idarəsindən və Birliyin İdarəetmə aparatından ümumilikdə 300 nəfər əməkdaş iştirak edib.

Böyük ruh yüksəkliyi şəraitində keçən iməcilik zamanı Etilen-polietilen zavodunun və Təmir-ti­kinti İdarəsinin daxili ərazilərində təmizlik-abadlıq işləri aparıl­mış, əvvəlki iməciliklərdə əkilmiş ağaclara aqrotexniki qulluq göstə­ril­miş, dibləri bellənilmiş, suvarma işləri həyata keçirilmişdir.

"Modern Holdinq” ASC-nin 30 nəfər əməkdaşının da iştirak etdiyi iməcilikdə həmçinin Polietilen istehsalatının giriş hissəsində 600 ədəd müxtəlif növ ağac əkilmiş, Səməd Vurğun küçəsi boyu uzanan yaşılıq zolaqlarındakı ağacların dibləri bellənmiş, əhənglənmiş, ərazi alaq otlarından təmizlənmişdir.

Sum­qayıtın sənaye zonasında ekoloji mühitin yaxşılaşdırılmasına və yaşıllığın artırıl­ma­sı­na xidmət edən iməciliklərin yaz mövsümü boyu davam etdirilməsi nəzərdə tutulmuşdur.