Sumqayıtda "Ümummilli lider Heydər Əliyev irsi və gənclik” layihəsi çərçivəsində tədbirlər davam etdirilir. Layihə Azərbaycan Respublikasının Prezidenti yanında Gənclər Fondunun dəstəyi ilə Gənc İstedadlara Dəstək Fondu tərəfindən həyata keçirilir.

Növbəti belə tədbir Sumqayıt Musiqi Kollecində keçirilib.

Azərbaycan Gənclər Fondunun nümayəndəsi Jalə Məmmədova Fond, onun missiyası, gənclər üçün yaratdığı imkanlar barədə məlumat verib, gəncləri öz ideyaların layihələşdirərək AGF-yə təqdim etməyə dəvət edib.

Gənc İstedadlara Dəstək Fondunun prezidenti Vüsal Məmmədov layihə barədə məlumat verərək bildirib ki, bu layihə Dahi Lider Heydər Əliyevin irsinin gənclər arasında təbliğini nəzərdə tutur və bu mövzuda şəhərin bir çox müəssisələrində gənclərin iştirakı ilə müxtəlif formatlı tədbirlər həyata keçirilib.

Tədbirdə Ulu Öndərin həyatından bəhs edən "Əsl məhəbbət haqqında” filmi nümayiş etdirilib, kollec tələbələrinin ifasında vətənpərvərlik mahnıları dinlənilib.

Məlumat üçün bildirək ki, layihə çərçivəsində dahi liderin Sumqayıta səfərlərinin fotolarını, bu səfərlərin anatasiyasını özündə əks etdirən albom da çapa ediləcək.