Sumqayıt şəhərində Heydər Əliyevin adını daşıyan parkda abadlıq-quruculuq işləri davam edir. Bildiyiniz kimi, parkın bir hissəsində Heydər Əliyev Mərkəzi, digər hissəsində isə Şahmat Məktəbi tikilir.
Bununla yanaşı, parkın ərazisinin genişləndirilməsi prosesinə də başlanılıb. Belə ki, bu gündən parkın Zülfi  Hacıyev küçəsi istiqamətində olan hasarları sökülür. Bu hissədə olan köməkçi avtomobil yolu ləğv ediləcək və ərazi parkın ərazisinə qatılacaq.
Parkın digər hissəsində -9-cu mikrorayon ərazisində də hasarların söküləcəyi bildirilir. Ərazi genişləndiriləcək və piyada səkisi qoyulacaq.
Onu da qeyd edək ki, parkın girişində olan iki abidənin də söküləcəyi bildirilir.
Xeberle.com