Nəhayət ki, Sumqayıt şəhərinin küçə və xiyabanlarında insanların, xüsusən uşaq arabarları ilə hərəkət edən valideynlər və əlilliyi olan şəxslərin rahat hərəkəti üçün normal imkanlar yaradılır. Bundan sonra Sumqayıt sakinləri şəhərin küçələri ilə rahat hərəkət edə biləcəklər. Daha dəqiq desək, əvvəlki illərdə qoyulan hündür bardürlərdə panduslar düzəldilir.

Əslində lap əvvəldən - bu hündür mərmər bardürlər quraşdırılanda sakinlər tərəfindən ciddi narazılıqla qarşılanmışdı. Çünki uşaqlı analar və əlilliyi olan şəxslər bir yana, digər sakinlər də panduslar olmadan bardürlərin üzərindən hərəkət etməkdə çətinlik çəlkirdilər. Bəzi yerlərdə hətta bardürlərin hündürlüyü 40-45 santimetrə çatırdı. Xeberle.com portalı olaraq əvvəlki icra başçısının dövründə dəfələrlə bununla bağlı tənqidi materiallar təqdim etsək də, problemə reaksiya verilməmişdi.

Odur ki, bu haqlı narazılıqlar Sumqayıt şəhər İcra Hakimiyyəti tərəfindən nəzərə alınıb və hazırda şəhər üzrə bütün küçə və xiyabanlarda panduslar düzəldilir.
Xeberle.com