Sumqayıtda Azərbaycan Respublikası Prezidenti yanında Gənclər Fondunun maliyyə dəstəyi ilə "Yanlış Həzz – Ölümə Aparan Yol” layihəsi çərçivəsində ilk seminar keçirilib.
Layihə rəhbəri Elməddin Mirzəzadə layihə və onun məqsədi, qarşıya qoyulmuş vəzifələr, Gənclər Fondu haqqında geniş məlumat verib, iştirakçılara uğurlar arzulayıb. O, bildirib ki, bəşəriyyəti narahat edən ən ağrılı problemlərdən biri də cəmiyyətin qorxulu bəlasına çevrilən narkomaniyadır. 
E. Mirzəzadə narkotizmlə mübarizədə bütövlükdə cəmiyyətin, hər bir şəxsin fərdi və birgə fəaliyyətinə, barışmaz münasibətinə böyük ehtiyac vardır. 
Seminar təlimçi Emil Maqalov tərəfindən davam etdirilib. E. Maqalov narkomaniyanın fəsadları haqqında məlumat verib, gələcək nəsli "ağ ölüm"dən qorumağın yollarından danışıb və bu təhlükəli bəlaya qarşı mübarizədə cəmiyyətin bütün üzvlərinin iştirakının vacibliyini qeyd edib.Sonda gəncləri maraqlandıran suallar cavablandırılıb.