Uğurun sirlərindən biri, uğurlu insanların həyat təcrübələrini öyrənmək, onların səhv və düz qərarlarını analiz etməkdir. Gənclərin öz karyeralarının başlanğıcında uğurlu insanlardan öyrənməyə ehtiyacları vardır. LLBS- London Language and Business School Sumqayıtda "Share Your Experience” adlı yeni layihəyə start verib. Layihənin məqsədi həyatında, karyerasında uğur qazanmış insanların gənclərlə mütəmadi görüşlərini təşkil etmək, onların təcrübələrini paylaşmaları üçün şərait yaratmaqdır. Bu təlim və görüşlər tamamilə pulsuz və gənclərə açıq olacaq. Qeyd olunan layihə çərçivəsində tanınmış yumor ustası, aktyor, rejissor, futbol fanatı Bəhram Bağırzadə Sumqayıtda olub. 2 saatlıq görüşdə o öz həyat təcrübəsini, uğurlarını gənclərlə paylaşıb, onların suallarını cavablandırıb. Növbəti təlim və görüşlər haqqında LLBS-in ofisinə müraciət edib məlumat ala bilərsiniz.
Ünvan: Sülh Plaza. 4-cü mərtəbə. LLBS Əlaqə tel: 070 652 13 11
Xeberle.com