"Azərikimya” İB-də talassemiyalı xəstələr üçün növbəti qanvermə aksiyası keçirilib.

Xeberle.com-a verilən məlumata görə, SOCAR-ın "Azərikimya” İstehsalat Birliyində "Hemofiliya və talasse-miyadan əziyyət çəkən uşaqlara qayğı” Dövlət Proqramı çərçivəsində talassemiyalı xəstələr üçün 2010-cu ildən bəri davamlı olaraq keçirilən növbəti qanvermə aksiyasıva start verilib.

"Azərikimya” İB-nin dəvəti ilə Azərbaycan Respublikası Səhiyyə Nazirliyinin B.Eyvazov adına Elmi Tədqiqat Hematologiya və Transfuziologiya İnstitutunun Mərkəzi Qan Bankı tərəfindən ezam olunmuş 12 nəfərlik xüsusi tibb briqadası tərəfindən aparılan və iki gün davam edən qanvermə aksiyasının ilk günündə Birliyin Etilen-polietilen zavodundan müraciət etmiş 300-ə yaxın kimyaçı müayinə edildikdən və yerindəcə təşkil olunmuş səyyar laboratoriyada yoxlanıldıqdan sonra onların 120 nəfərindən qan götürülüb.

Aksiyanın ikinci günündə isə Təmir-tikinti İdarəsinin və "Azərikimya” İB-nin baş ofisinin əməkdaşları minlərlə insan üçün həyati əhəmiyyət kəsb edən bu könüllü hümanitar aksiyada iştirak etmiş və 100 nəfərdən artıq işçi qan verib.

Bununla da iki gün ərzində "Azərikimya” İB üzrə 250 nəfərə yaxın kimyaçı bu xeyirxah aksiyada iştirak edərək, talassemiyalı xəstələr üçün qan verib.