Bu gün Avstriyanın Azərbaycandakı fövqəladə və səlahiyyətli səfiri Aksel Vek, Avstriya Qızıl Xaç Cəmiyyətinin "Təhlükəsiz və möhkəm icmaların qurulması” layihəsinin Cənubi Qafqaz milli cəmiyyətləri üzrə meneceri Maykl Qrabner, Azərbaycan Qızıl Aypara Cəmiyyətinin (AzQAC) prezidentinin Fövqəladə hallar üzrə müşaviri Elşən Səlimzadə, "Sağlamlıq və qayğı" şöbəsinin müdiri Səbinə Məhbubi-İran, Fövqəladə hallara hazırlıq və cavabvermə şöbəsinin müdiri Fərid Seyidzadə Sumqayıt şəhər bölməsinin qonağı olublar.

Cəmiyyətin Sumqayıt şəhər bölməsinin sədri Mətanət Məhərrəmova qonaqları salamlayaraq onları rəhbərlik etdiyi qurumda görməkdən məmnun olduğunu bildirib.

Görüş zamanı bölmənin könüllüsü Rəşad Süleymanlı Sumqayıt şəhər bölməsinin fəaliyyətinə həsr olunmuş təqdimatla çıxış edib.